Ég skora á bæjarstjórn Hafnarfjarðar að stöðva nú þegar niðurskurð á fjárframlögum til grunnskóla og leikskóla í Hafnarfjarðarbæ og setja menntun og umönnun barnanna okkar í algeran forgang í fjárhagsáætlun bæjarins héðan í frá.

Góð menntun leggur grunninn að góðu lífi. Með þeim mikla og óvægna niðurskurði sem er nú þegar staðreynd í skólakerfi Hafnarfjarðarbæjar er menntun og lífi barnanna okkar til framtíðar stefnt í beinan voða.

Niðurskurðurinn hefur nú þegar bitnað harkalega á því metnaðarfulla og góða starfi sem unnið er í skólum bæjarins. Kennarar, skólastjórnarfólk og aðrir starfsmenn skólanna geta ekki haldið uppi gæðum menntunarinnar ef þeim eru skapaðar ómögulegar fjárhagslegar aðstæður, og það bitnar fyrst og fremst á börnunum.

Reynsla nágrannaþjóðanna sýnir svart á hvítu að á samdráttartímum er ekkert mikilvægara en menntun. Einmitt þá er sérstök þörf á að styrkja menntun og skóla, en ekki skera niður.

Þeir skammtímahagsmunir sem felast í niðurskurði til skóla bæjarins eru léttvægir miðað við þá gríðarlegu hagsmuni sem felast í góðri undirstöðumenntun barnanna okkar til langs tíma.

Börnin okkar eiga betra skilið. Stöðvið niðurskurðinn STRAX!

 Skráið ykkur og setjið kennitölu í "comments" inn á tenglinum:

http://www.ipetitions.com/petition/stodvum_nidurskurd_i_skolum_i_hafnarfirdi/